السَّلاَمُ عَلَيْكُمْ وَرَحْمَةُ اللهِ وَبَرَكَاتُهُ
اللهُ أَكْبَرُ 9× أَللهُ أَكْبَرُ كَبِيْرًا وَالْحَمْدُ ِللهِ كَثِيْرًا وَسُبْحَانَ اللهِ بُكْرَةً وَأَصِيْلاَ. لاَ إِلهَ إِلاَّ اللهَ وَلاَ نَعْبُدُ إِلاَّ إِيَّاهُ مُخْلِصِيْنَ لَهُ الدِّيْنَ وَلَوْ كَرِهَ الْكَافِرُوْنَ. لاَ إِلهَ إِلاَّ اللهُ وَحْدَهُ صَدَقَ وَعْدَهُ وَنَصَرَ عَبْدَهُ وَأَعَزَّ جُنْدَهُ وَهَزَمَ اْلأَحْزَابَ وَحْدَهُ. لاَ إِلهَ إِلاَّ اللهُ وَاللهُ أَكْبَرُ. اَللهُ أَكْبَرُ وَِللهِ الْحَمْدُ.
الْحَمْدُ ِللهِ الَّذِى حَرَّمَ الصِّيَامَ أَيَّامَ اْلأَعْيَادِ ضِيَافَةً لِعِبَادِهِ الصَّالِحِيْنَ. أَشْهَدُ أَنْ لاَ إِلهَ إِلاَّ اللهُ الَّذِى جَعَلَ الْجَنَّةَ لِلْمُتَّقِيْنَ. وَأَشْهَدُ أَنَّ سَيِّدَنَا وَمَوْلاَنَا مُحَمَّدًا عَبْدُهُ وَرَسُوْلُهُ الدَّاعِى إِلَى الصِّرَاطِ الْمُسْتَقِيْمِ.
اللّهُمَّ صَلِّ وَسَلِّمْ وَبَارِكْ عَلَى سَيِّدِنَا مُحَمَّدٍ وَعَلَى آلِهِ وَأَصْحَابِهِ وَمَنْ تَبِعَهُمْ بِإِحْسَانٍ إِلَى يَوْمِ الدِّيْنِ. أَمَّا بَعْدُ. فَيَا أَيُّهَا الْمُسْلِمُوْنَ. أُوْصِيْكُمْ وَإِيَّايَ بِتَقْوَى اللهِ فَقَدْ فَازَ الْمُتَّقُوْنَ.
JAMA’AH SHALAT IDUL FITRI SE E MULJE EGI ALLAH
Alhamdulillah pada pagi se berbahagia ka’ dinto sabben tanggal sittong sabal tahun hijriyah sadejeh umat Islam e segenap penjuru dunnyah bangkit serentak areng-sareng menyuarakan tor menggemakan suara takbir tor tahmid, nyucce eh tor ngagung ngagi asma Allah tor merayakan shalat idul fitri, sae e masjid-masjid, e mushalla otabah e lapangan terbuka. Ngireng beden kaule sadejeh kibarkan tinggi-tinggi bendera Islam tor kita angkat panji kemenangan tor perdamaian. Alam semesta ka’dintoh se terdiri deri langi’, bumi, tor sadejeh essenah aropa’agi ciptaan Allah, bergerak di bawah aturan tor kakobesaan Allah, bernaung di bawah penelitian tor pengawasan epon Allah. Kakobesaan para penguasa adalah sanget kenek bila e bendingagi kalaben kakobesaan Allah se Maha Kobesah. Allah Maha Ngaoningih sadejeh gema irama niat se tersembunyi e balik lapisan ateh tor jantung manossah. ALLAHU AKBAR 3x WALILLAHIL HAMD.
SAUDARA-SAUDARA KAUM MUSLIMIN MUSLIMAT RAHIMAKUMULLAH
Kita umat Islam tor sedejeh umat Islam edunnyah ajelennagi ibada puasa Ramadhan sabulan abiddah delem sataon, kalaben patuh tor ta’at. Kita apoasa kalaben nahan hawa nafso tor adinggallagi kebiasaan odi’ sehari-hari e bekto siang, akadiah makan, minum tor sadejeh hal-hal se bisa abettallagi poasa, benni sebagai penyiksaan abe’ karena ngarep sesuatu, melainkan sebagai pembaktian abe’ de’ gusti Allah se Maha Kobessah, karena se mata-mata ngarep ridha epon Allah.
Allah adebu e delem Al-Qur’an surat Al-Baqarah ayat 183 :
Arte epon :
“Hei oreng-oreng se beriman ! ella ewajibagi ka be’na kabbi apoasa, akadiah se ella ewajibagi de’ umat-umat sabellunah be’na kabbi, sopajeh be’na kabbi deddi oreng-oreng se taqwa (surat Al-Baqarah : 183)
Parenta poasa namung ewajibagi monggu oreng-oreng se berimah bisaos. Deddi oreng-oreng se ta’ beriman otomatis ta’ wajib apoasa sesuai kalaben ayat kasebut. E samping apoasa pada malam hari epon beden kaola sadejeh alaksanaagi shalat tarawih berjema’ah, tadarrus (maus Al-Qur’an), shalat malam (tahajjud) sambil nyo’on de’ gusti Allah ampunan deri sadejeh dusah tor mabennya’ amal kabegusan. Sadejeh ka’dinto dikerjakan se mata-mata kaangguy mencapai gelar predikat muttaqien. Enggi ka’dinto oreng-oreng se onggu-onggu taqwa de’ gusti Allah. Bulan suci Ramadhan aropa’agi paleng moljenah bulan. Sabeb sepertiga awal Ramadhan possa’ kalaben Rahmat Allah, sepertiga pertengahan aropa’agi ampunan deri sadejeh dusah, sepertiga penghabisan aropa’agi pembebasan diri deri apoy naraka. Ben e delem bulan Ramadhan bedeh sittong malem se enyamai malem LAILATUL QADAR. Se keutamaan epon lebbi begus deri ibadah saebu bulan. Saebu bulan same sareng 83 tahun tambe 4 bulan. E dalem bulan Ramadhan jugan ampon etoronagi kitab suci Al-Qur’an sebagai petunjuk monggu oreng-oreng se taqwa “LAALLAKUM TATTAQUN” itulah tujuan poasa. Kalaben harapan moge-moge sadejeh umat islam se poasa e penjuru dunnyah khususse e nagara kita Indonesia deddi hamba-hamba Allah se taqwa. Amin. Ibada poasa ampon adidik beden kaula sadejeh oning akan ta’at tor disiplin. Kodrat ta’at tor disiplin kasebut se mengemudikan jelen odi’ kita, selama kita ajelenagi ibadah poasa wajib kita pakai juru mudi kaangguy odi’ tor kaodi’an kita selanjutte salaennah bulan Ramadhan.
Allah SWT. awajibagi poasa sabulan e bulan Ramadhan monggu sadejeh umat nabi Muhammad se beriman, e siang hari bisaos. Malam hari epon kengeng abuka. Ka’ dintoh aropaagi kemurahan tor fadhal deri Allah se beden kaula sadejeh wajib syokkoreh. Allah Adebu e delem hadits qudsi :
الصَّوْمُ لِى وَأَنَا أَجْزِى بِهِ
Arte epon :
“Poasa Areyah kaangguy sengko’, ben sengko’ se bekal malessah.
Manabi ibada shalat, makaluar zakat, haji ke Baitullah, sadejenah ka’dintoh buto gerakan tubuh, fungsi epon abelih ka abe’ dibi’. Manabi ibada poasa enggi ka’dintoh ibada rahasia se ta’ buto gerakan tubuh. Tujjuan epon se mata-mata ka angguy gusti Allah. Ben Allah se bekal malessah ibada poasa ka’dintoh.
Rasulullah adebu e dalem Hadist epon :
لَوْ تَعْلَمُ أُمَّتِى مَافِى رَمَضَانَ لَتَمَنَّوْا أَنْ تَكُوْنَ السَّنَةُ كُلُّهَا رَمَضَانَ
Arte epon :
“Je’ sakengah ummatah sengko’ taoh apa-apa se egendu’ neng bulan Ramadhan, yektenah sakabbinah ngarep sataon benteng deddi bulan poasa (Ramadhan)” .
Neng hadist lain edebuagi :
مَنْ صَامَ رَمَضَانَ ثُمَّ أَتْبَعَهُ سِتًّا مِنْ شَوَّالَ كَانَ كَصِيَامِ الدَّهْرِ
Arte epon :
“sapa-sapa oreng se apoasa e bulan Ramadhan, pas nyambung apoasa 6 areh deri bulan syabal samarenah tellasan, maka nilaiah padeh ben apoasah sataon benteng”.
Ngireng baden kaula sadejeh introspeksi diri otabeh agi’ gigi’ ka abe’ dibi’, se jauh mana amal kabegusan tor dusah se beden kaola sadejeh lakonih, terutama dalam arena perjuangan di era reformasi tor globalisasi samangken ka’dinto se possa’ kalaben tantangan.
Suatu penyakit rohani monggu umat Islam se sampe’ samangken gi’ cekka’ neng ateh enggika’dintoh penyakit iri, hasud, dengki, benci, riya’ (ibada ka Allah niatta karena terro eyabesse/ealemma oreng, ujub (arassa heran ka abe’ dibi’, se akan-akan sakabbina amalla bagus. Egoisme, sum’ah (tero ekedingah oreng laen). dzolim, cerek, lecek, ghibah, marah, mencela, menipu, memfitnah, takabbur (sombong) korupsi, kardiman (ngala’ karepah dibi’ sepenting nyaman) tor penyakit batin laenna se ta’mungkin esebut sadejenah.
Ngireng beden kaule sadejeh bueng tor jauih sadejeh macem penyakit batin se bede neng ateh tor genteeh kalaben cahaya iman se koat tor kokoh se selalu menyinari kalbu kita, saengge memancar sifat-sifat terpuji se eridhai Allah SWT. sopajah beden kaula sadejeh tamasok hamba-hamba Allah se sholeh. Amin.
Rasulullah adebu e dalem hadist :
إِذَا كَانَ آخِرُ لَيْلَةٍ مِنْ رَمَضَانَ بَكَتِ السَّمَاوَاتُ وَاْلأَرْضُ وَالْمَلاَئِكَةُ مُصِيْبَةً ِلأُمَّةِ مُحَمَّدٍ عَلَيْهِ الصَّلاَةُ وَالسَّلاَمُ. قِيْلَ : يَا رَسُوْلُ اللهِ أَيُّ مُصِيْبَةٍ هِىَ ؟ قَالَ : ذِهَابُ رَمَضَانَ فَإِنَّ الدَّعَوَاتِ فِيْهِ مُسْتَجَابَةٌ وَالصَّدَقَاتِ مَقْبُوْلَةٌ وَالْحَسَنَاتِ مُضَاعَفَةٌ وَالْعَذَابَ مَدْفُوْعٌ.
Arte epon :
“Bila tiba malam terakhir deri bulan Ramadhan langi’, bumi, tor sadejeh malaikat pada molar, sebagai musibah monggu umat Nabi Muhammad, Sahabat atanya : Duh gusti Rasulullah ! Musibah ponapa ka’dinto ? Rasulullah ajawab : Ye areya perginya bulan Ramadhan. Sabeb neng bulan Ramadhan do’a-do’a mustajab, sadeka tor zakat etarema, kabagusen-kabegusan etekel berlipat-lipat ben siksaan e tolak ”.
E antara kenikmatan se beden kaula sadejeh koduh pertanggung jawabkan selaku amanat deri Allah enggi ka’dinto harta benda. Harta benda aropaagi karuni Allah se diamanatkan Allah monggu beden kaule sadejeh sebagai pengurus epon. Maka karna ka’dinto sejak awal bulan Ramadhan sampe’ sabelun shalat idul fitri emulai, ewajibagi monggu kita makaluar zakat fitrah de’ oreng-oreng se berhak menerima enggi ka’dinto fakir miskin, anak-anak yatim piatu se ko’ong (sobung reng seppo duwa’na), tor sadejeh se ampon e tetepagi dalem Al-Qur’an.
Allah Adebu edalem Al-Qur’an :
Arte epon :
“Saongguna zakat-zakat areah namong kaangguy oreng-oreng fakir miskin, pengurus-pengurus zakat, para mu’allaf segi’ lemah imanna, kaangguy memerdekakan budak, oreng-oreng se andi’ otang, kaangguy jelen Allah, ben oreng se pa’reppa’an dalem perjalanan, sebagai kewajiban deri Allah ben Allah Maha Mengetahui lagi Maha Bijaksana (Surat At-Taubah ayat 60)”.
Islam sanget memperhatikan kaodien oreng-oreng se ta’ endi’, saengga Islam tidak menghendaki manabi sampek mereka ta’ bisa ikut serta menikmati suasana hari raya idul fitri, se ka’ dimma neng areh ka’dinto kaum muslimin muslimat haram apoasa. Islam awajibagi de’ sadejeh umatta kaangguy nyokopeh kebutuhan oreng-oreng fakir miskin neng e tellasan ka’dinto sopaja mereka tidak kelaparan tor noro’ berlebaran jugan. Nishob/katentuan majar zakat fitrah benyak epon satu sha’. Satu sha’ same sareng 3 kg beras otabe sagentang beras. Manabi majar zakat fitrah kalabebn obeng, maka koduh senilai harga beras 3 kg. lebih deri harga beras kasebut, lebih afdhal kaangguy adukung kabutoan fakir miskin. Ponapah tujjuan zakat fitrah ? Tujjuan epon enggi ka’dinto kaangguy aberse’eh jiwa kita deri sadejeh dusah, abebasagi diri kita deri apoy naraka, sopajah sobung gap (jurang pemisah) antara se andhi’ sareng se ta’ andhi’, antara se kaya sareng se miskin tor madeddi poasa kita etarima sareng Allah SWT. Amin
Akadiah se ampon disinyalir (e nyata’agi) dalem hadist :
عَنِ ابْنِ عَبَّاسٍ رَضِىَ اللهُ عَنْهُمَا قَالَ : فَرَضَ رَسُوْلُ اللهِ صَلَّى اللهُ عَلَيْهِ وَسَلَّمَ زَكَاةَ الْفِطْرِ طُهْرَةً لِلصَّائِمِ مِنَ اللَّغْوِ وَالرَّفَثِ وَطُعْمَةً لِلْمَسَاكِيْنِ، فَمَنْ أَدَّاهَا قَبْلَ الصَّلاَةِ فَهِىَ زَكَاةٌ مَقْبُوْلَةٌ وَمَنْ أَدَّاهَا بَعْدَ الصَّلاَةِ فَهِىَ صَدَقَةٌ مِنَ الصَّدَقَاتِ. (رواه أبو داود وابن ماجه)
Arte epon :
“Dari Ibnu Abbas r.a. berkata : Rasulullah awajibagi zakat fitrah sebagai pembersih monggu oreng se apoasa Ramadhan deri perbuatan sia-sia tor keji tor aropa’agi pemberian makan monggu oreng-oreng miskin. Maka paserah oreng se makaluar zakat fitrah sabelun shalat ied, maka ka’dinto zakat se etaremah, tor paserah oreng se makaluar zakat fitrah salastarenah shalat ied, maka ka’dinto aropa’agi sadekah deri cem-macemma sadekah. (HR. Abu Dawud dan Ibnu Majah)”
MA’ASYIRAL MUSLIMIN WAL MUSLIMAAT SE EMOLJEAGI ALLAH
Dalem kasempatan berlebaran neng hari raya iedul fitri 1431 H samangken, ngireng beden kaula sadejeh same-same aberse’e ateh antar se sama muslim. Ngireng paelang rasa beji’, dengki, iri, hasud, riya, ujub, takabbur (sombong) tor sadejeh penyakit batin lainna, tor gente’eh kalaben sifat marhamah (saling sayang menyayangi), mahabbah (saling cinta-mencitai), tawadhu’ (rendah hati/andep ashor), lambe’, qana’ah (naremah papareng Allah kalaben puas), sabar, tahan uji dll.
Kalaben ateh terbuka, wajah se berseri-seri tor tangan se diulurkan ngireng beden kaula sadejeh saling berma’af-ma’afan lahir batin. Kita buka lembaran baru se gi’ pote, berse, tor kita isi kalaben tinta emas. Kita tutup lembaran lama se mongkin benyak terdapat bintik-bintik celleng tor noda. Se seppo apareng ma’af de’ka se ngodeh, saka’dinto jugan sabaliga se ngodeh apareng ma’af de’ka se seppo, oreng toah apareng ma’af de’ potrah, rakah apareng ma’af de’ka rajih. Saka’dinto jugan sabeliga, mattoah apareng ma’af de’ manto, mantoh apareng ma’af de’ mattoah, kaka’ ben ale’, beleh ben beleh laennah, taretan ben taretan laennah, tatangga ben tatangga laennah jung saleng minta saporah deri sadejeh dusah se elakonih selama ka’dinto kalaben cara berjabatan tangan (bersalam-salaman).
Rasulullah adebu :
تَصَافَحُوْا يَذْهَبِ الْغِلُّ عَنْ قُلُوْبِكُمْ
Arte epon :
“Asalamna be’na kabbi, yektenah sifat dendam bekal lenyap deri atenah be’na kabbi”.
Ngireng beden kaula sadejeh menjalin hubungan silaturrahmi antara satu kalaben laenna. Je’ sampe’ bedeh eantara beden kaula sadejeh megge’ hubungan silaturrahmi otabeh asoker aon taon. Oreng akadieh ka’dinto ejamin ta’ bekal maso’ suarga.
Rasulullah adebu :
لاَيَدْخُلُ الْجَنَّةَ قَاطِعُ الرَّحِمِ
Arte epon :
“Ta’ bekal maso’ suarga oreng se megge’ hubungan silaturrahmi”.
Ya Allah ya Tuhan kami ! terimalah amal ibadah puasa e bulan Ramadhan se tapongkor tor parengi saporah, palebbur dusah-dusah beden kaula sadejeh tor beden kaula sadejeh umat Islam padeddiagi oreng-oreng se onggu-onggu taqwa de’ka Allah, penter asyokkor de’ ni’mat Allah, ikhlas beribadah dalam segala hal tor moga-moga sabar, tahan uji dalem ngadebi cem-macemma ujian tor musibah tor moga-moga tamaso’a kabulanna Allah se sholeh.
Ya Allah ya Tuhan kami ! padepa’agi umur beden kaula sadejeh saengge bisa tapanggi pole sareng tamoy se paleng molje, se paleng agung enggi ka’dinto bulan suci Ramadhan neng taon taon se bekal dateng.
Ya Allah ya Tuhan kami ! sinarilah hati kami tor hati sadejeh umat Islam kalaben cahaya iman se koat, kokoh tor samporna, saengge beden kaula sadejeh bisa abentengih abe’ deri musuh-musuh Islam, aliran-aliran sesat, macem-macem terorisme, kemunafikan, tipu daya harta, tahta, dan wanita, budaya se berbau barat, memerangi setan, sae se aropah manossah otabeh jin, memerangi hawa nafsu kaangguy negga’agi kalimat Allah tor padeddi’agi akhir hayat kita husnul khatimah, abekta iman tor Islam, tor moga-moga ucapan beden kaula sadejeh se paling terakhir enggi ka’dinto dua kalimat syahadat.
أَشْهَدُ أَنْ لاَ إِلهَ إِلاَّ اللهُ وَأَشْهَدُ أَنَّ مُحَمَّدًا رَسُوْلُ اللهِ
“Beden kaule nyakse’eh je’ sobung pangeran angeng Allah, tor beden kauleh nyakse’eh je’ Muhammad utusan Allah”. Amin ya rabbal alamin
أَعُوْذُ بِاللهِ مِنَ الشَّيْطَانِ الرَّجِيْمِ. يَآ أَيُّهَا النَّاسُ إِنَّ وَعْدَ اللهِ حَقٌّ فَلاَ تَغُرَّنَّكُمُ الْحَيَاةُ الدُّنْيَا وَلاَ يَغُرَّنَّكُمْ بِاللهِ الْغَرُوْرُ. إِنَّ الشَّيْطَانَ لَكُمْ عَدُوٌّ فَاتَّخِذُوْهُ عَدُوًّا. إِنَّمَا يَدْعُوْ حِزْبَهُ لِيَكُوْنُوْا مِنْ أَصْحَابِ السَّعِيْرِ.
اللهُ أَكْبَرُ 2× لاَ إِلَهَ إِلاَّ اللهُ وَاللهُ أَكْبَرُ.
اللهُ أَكْبَرُ وَِللهِ الْحَمْدُ.
